يابلد ورميانا ف براويز
برواز دهب...برواز فضي...برواز خشب ..وليه التمييز؟؟؟
الكل ماشي ف بروازه
عمال يلمع ف إزازه
واللي معاه عاوز تاني
طب والمفلس مين عازه
حطوه ف صوره على قده مليانه بفنون التبويز
يابلد وصورتك مقلوبة وبرغم حزنك مبتسمة
والعيب دة عمره ماكان فيكي ...
العيب ف رسام الرسمة
لو كان عرف مرة يحبك....
ماكنتش هتبوظ القسمة
ولاكنش يرسم سجانك... واقف لنا بين الدهايز
ليست هناك تعليقات:
إرسال تعليق