بتفتفت روحك ميت حتة ...وبتبدر أحلامك فيها
روحك مش قادرة تعيش ليها
تحدفها تعدي حدود الكون ....
تطرح بين ايدك مليون لون...
وتبص لنفسك فمرايتك وتقول مجنون...
لكن ممكن....
تخرج عفاريتهم تتمكن
وتمد الإيد الكركوبة....
تهدم حلمك طوبة فطوبة...
ويوقعوا بيت كان متسكن
لكن ممكن....
وبتدي عنيك نور للدنيا...
وبرغم عنيك راحت شايف
واقف بتحارب ضلمتهم
والحلم فعينك مش خايف
ياعيونك تشرق ِفوق موتي
وتصبر روحي على سكوتي
وتقول انا لسة اكيد واقف
كان نفسي فيوم ارفع عيني
وأبص فعينك مش عارف
ولساني اتلجلج مش قادر
ينطق غير كلمة .....أنا آسف