الحيرة إن العدا يبقوا كما لوني...
يتكلموا لغوتي
الهيئة من برة تبقى تمام هيئتي
يا لابسين هدمتي
إزاي تعروني
عاروني يا دنيا راهبة ورقاصة..
حتى التراب رافض..يواريني فاحضانه
ولاعندهمش كلاب ولا حتى قناصة
وطلعت أنا المسجون...وأنا اللي سجانه
ياحاميين الحمى
مين منكوا يحميني
روحي على كفي... وهمي على جبيني
فاتح لكم صدري والقلب مالوش زي
عطشان من الغربة ...مستني بكرة الجاي
ليه قلبكم ميت ..يالللي رصاصكم حيٌ؟
قصيدة رائعة وكالعادة جاية توصف احاسيسنا بكل الصدق اللي ممكن نكون مش قادرين نعبر عنه بكلام بس هو موجود بس بنشوفه حقيقة في كلماتك
ردحذف