حبة ورق

حبة ورق...عمري طلع حبة ورق

متكتفين، متستفين، ياللي عنيكوا مغميين

مش شايفة عمري اللي اتسرق

قاضي القضاة قال كلمته

كل الديابة المرعبة هتسيب قفصها وتنطلق

فتفت روحي بين ايديكي...

حب فيكي...وعشق بيكيِ

ياحبيبتي  ياللي مت ليكي وسايبة روحي بتتحرق

بيقولوا مش لاقيين دليل....

بيقولوا كان ايه البديل

وانا لسة دمي نهر جاري في الشوارع والطرق

قاضي القضاة قال كلمته

عمري طلع حبة ورق

بصوا فإيديهم شوفوا دمي...هتلاقوه

بصوا فعينيهم شوفوا عمري...كان صغير

ضيعوه

بصوا فعنين أمي الحزينة المؤمنة

وساعيتها لو قادرين سيبوه

سيبوا الديابة كلهم

ياللا احكموا باللي تشفوه

لو تقدروا روحوا بجراءة

بصوا فعنين امي اللي مات فيها الضيا

وقولولها عمري كان ورق

ادى اللي سرقوه البراءة

بتفتفت روحك ميت حتة ...وبتبدر أحلامك فيها
روحك مش قادرة تعيش ليها
تحدفها تعدي حدود الكون ....
تطرح بين ايدك مليون لون...
وتبص لنفسك فمرايتك وتقول مجنون...
لكن ممكن....
تخرج عفاريتهم تتمكن
وتمد الإيد الكركوبة....
تهدم حلمك طوبة فطوبة...
ويوقعوا بيت كان متسكن
لكن ممكن....
وبتدي عنيك نور للدنيا...
وبرغم عنيك راحت شايف
واقف بتحارب ضلمتهم
والحلم فعينك مش خايف
ياعيونك تشرق ِفوق موتي
وتصبر روحي على سكوتي
وتقول انا لسة اكيد واقف
كان نفسي فيوم ارفع عيني
وأبص فعينك مش عارف
ولساني اتلجلج مش قادر
ينطق غير كلمة .....أنا آسف

العبيد

طب ليه تموت يا ابو ضحكة لان ليها الحديد

لما يكون في لسة ناس مستكترين كلمة شهيد

لما يكون في لسة ناس بيقولو ايه وداك هناك 

لما يكون في لسة ناس رافضة تشوف صورتك ملاك 

لما يقولو كنت خاين ...

ويقولوا عن روحهم بشر 

ياقلوبكم الضلمة الحجر 

ياذنبكم لا يغتفر ...

انتوا صحيح فعلا بشر 

لكن بشر من نوع جديد

انتم عبيد ...انتم عبيد 

كلام

غرقانة فبحور الكلام،
متعلقة فحبة حروف،
 بين موت ولهفة وشوق وخوف،
إزاي تقولي بعشقك وانت هواك حسب الظروف
عمري حروف متبعترة ..مبدورة بين كل السنين ...محتاجة تترتب
ياجملة تايهة بين سطور عمري اللي متكركب
مين اللي قال كل البشر وقت الفراق.... يتجموعوا فمركب
كل البشر مخلوقة ترسم حلمها..
أما أنا قلمي فلم يكتب
كل الكلام قابل يدوب بين ناس وناس
ناس تفتكر لونها دهب
 تطلع خشب، تطلع حطب، تطلع نحاس
العمر لو حبة كلام يبقى اتكتب بقلم رصاص
ومسيره بإديك يتمحي أو حتى يتسرسب
مين اللي قال كل البشر وقت الفراق...يتجمعوا فمركب

واقف فشباكك ببص عليك
وخاد صدى صوتك وبانده ليك -
ازاي نكون واحد... مسكونة يامرايتي
نفس العيون هي ...والضحكة ضحكايتي
وأما اموت ألقى... السلاح فإديك

متكركب

لا عيوني عاد فيها الضيا بيضحك
ولاعدش شعري حلو متسبسب
وشي صبي وتحسه لون وردك...
لكن فقلبي الحزن متكركب
ياللي عاطتني البحر خالي الشطوط
إزاي تسيبني هناك بلا مركب

my son & his lovely girlfriend

آه والله

ياللي فاكرني صاحي بتنفس..
مش كل من فتح عينيه شايف...
دنيا بنخبط فيها ونحسس...
 ولاعمرها ضمت صغير خايف..
نفسي أبوسك مرة واتأسف
لكني مخلوقة بلا شفايف

ماريونيت

كله متعلق ف خيط...
كله مربوطله الجرس..اللي ثاير والغلابة والحرس..
كله بيلف فدواير...كله بيعيش المآسي..
.ناس بتعجبها الستاير..ناس بتعجبها الكراسي
ناس بتسأل يا حماسي ....ليه سكت؟
ياللي مش عارف حقيقتك
ياللي مش عارف حقيقتي
مرة زيك اتفاجئت
إننا في الأصل شلة من عرايس ماريونت
كله مستني الايدين اللي بتحرك خيوطه
اللي بتحدد حياته...واللي بتحددله موته
مين يلومني عن سكوتي
مين ألومه عن سكوته

مين يحركني بإيده
مين يسلف صوتي صوته
نفسي اقول اني تعبت
كلنا في الأصل شلة
من عرايس ماريونت

برة الصندوق

جرب تحلم برة الصندوق
أخرج برة حدود الدنيا الماسكة عليك
صاحب أجرأ عفاريت الأرض...
من فوق الأرض
من تحت الأرض
خليها تزقك برة الكون
أضحك من قلبك لو قالوا عنك مجنون
فك المقيود ...
لو كان ممنوع... كان ايه خلاه موجود
غير شكلك لو كان يشبه كل الاشكال
غير اسمكشلو كان اسمك عبد المحدود

مكعبات

صندوق خشب....
 مليان بيوتي مكعبات
صغرت على حلمي البيوت....
ياحلم سيبته هناك سنين
بين اللعب
 وسط السكوت
شد الخيوط العنكبوت
واخرج بطل راكب فرس
رجعلي صوتي اللي انخرس
اطلق عنان قلبي اللي آسرينه الحرس
رن الجرس صورة وصوت
يا عمر فات...دايب تعب
كان نفسي اعيشك جوا صندوقي الخشب
أبنيك سعات....أرميك سعات ...بين اللعب ....ومكعبات

لإني بخاف

ولإني بخاف من ضلي كتير
قررت أواجه خوفي ف يوم
واما لقيته كتير يشبهني
اتشطرت عليه
قررت أعيش في الضلمة سنين

ولإني بخاف من نفسي كتير
ولإني أعرف انها تشبهني
قررت أكسر كل المرايات المكشوفة
وأقايض حق رغيف العيش بمساحيق التجميل

جماع - نظرات -حالتان

جماع

فقدت القدرة على إدهاشه

حين اخفتى بريق عيناها

فقدت كل الحيل تأثيرها

حتى أكثرها شذوذا

حين تلقاه....

تغمض عينيها حتى تستطيع رؤيته

حين يلقاها....

يحدق بها

إلا أنه لا يزال غير قادرا على رؤيتها

فعلى الرغم من أنه

يترك رسالة على باب المبرد

صباح كل يوم

إلا أنه حتما لا يجيد القراءة

نظرات

أخذت تحدق عبر تلك النافذة بنية اللون

ألقت بسهامها

هنا وهناك

باحثة عنها

حاولت جاهدة الكشف عن مكانها

كم أرادت بشدة أن تحتضنها ...

وربما أن  تعتصرها

وتقتلعها منه في النهاية

وصلت إلى أعمق نقطة

تماما - في منتصف ذلك الجسد

لتكتشف

بعد أن اخترق نافذتها العسلية

ذات الإطار الأسود

أنه حقا بلا روح

حالتان

- الصعب

أن أتخذ القرار بالبحث

عن إبرة أمي الشفافة

بين أكوام القش المتناثرة هنا وهناك

آملة

في نهاية الأمر

أن أحيك ثوبي الناعم

الذي اتخذ قررا أن أظل عارية إلى ألأبد

-المستحيل

أن أصدق أن يداك

المتسللة إلىّ الآن

قد قررت أن تعبرني

فقط لتهدهد روحي

يا حاميين الحمى

الحيرة إن العدا يبقوا كما لوني...

يتكلموا لغوتي

الهيئة من برة تبقى تمام هيئتي

يا لابسين هدمتي

إزاي تعروني

عاروني يا دنيا راهبة ورقاصة..

حتى التراب رافض..يواريني فاحضانه

ولاعندهمش كلاب ولا حتى قناصة

وطلعت أنا المسجون...وأنا اللي سجانه

ياحاميين الحمى

مين منكوا يحميني

روحي على كفي... وهمي على جبيني

فاتح لكم صدري والقلب مالوش زي

عطشان من الغربة ...مستني بكرة الجاي

ليه قلبكم ميت ..يالللي رصاصكم حيٌ؟

المسحورة

مسحورة سحر وماتسحرش

محبوسة فـ كلام ماتفهمش

وعشان ينول حبة أماني مشبكة

لازم يفك رموز حياتها المربكة

وينادي باعلى الصوت

ما تفتح لي يا سمسم ألف باب....

"مابيتفتحش"

ماهو أصل صوته اللي اتنبح واللي اندبح ما بيتسمعش

في ليلة من ليالي كتير

وانا ماشي

لقيت مسحورة طلعت لي

ولا منها قالت لي "بخ"

إجري وخاف

ولا منها قالت لي الدنيا ضحكت لي

وقفت كتير وانا ساكت

ما انا اتعودت أعيش العمر متتاخد

انا واحد

باعيش احلامي من برة

ورغم اني جريت مسافات

ما وصلتش ولا مرة

وفي بلادي صدر مرسوم

بيمنع أي حلم جديد

 عشان هتجينا متعبية من برة....

باعيش العمر متتاخد

وعارف إني لو هوصل

لازم لي فانوس يكون سحري

ويطلع منة ميت مارد

و لاجل ما يسكنوا بلادي

يعيشوا ودمهم بارد

وبعد العمر مستني ….

تقوم تطلع لي مسحورة

وغندورة

ضفايرها جدايل ليل مندية

وعينها حكاية مسطورة

يا مسحورة …

انا مستني تاخديني

باسمي يلا ناديني

وشديني….

وماله لو هاعيش مجذوب

مادام هاعرف حكاياتي

اللي منقوشة على جبيني

مادام هاحكيها للدنيا بلا

عفاريت تطاردني و تسبيني

يامسحورة

أنا المجذوب

بتهربي ليه من المكتوب

بعزم ما فيكِ ناديني

بلاش تسيبيني متتاخد

ومستني فانوس سحري

ما فيهش أكيد ولا مارد

ينجيني

Not a matter of direction

There's a heart at the south of the globe

And a heart at the north of the globe

But between them there's a strong bond of hope

See the sun when she opens our day

And the moon at the end of its way

They are waiting for the eclipse to come

And together for a while they can stay

                                                                                                                              

It's not the time …..

It's not the space …..

It's not the age ……

It's not the race …..

Only true love…..

Only true heart…..

Only true feelings I will embrace

If our bodies are in the opposite directions

But in the souls there is a beam of affection

Then we can raise with our love ….

And let the thirsty souls above….

Till they can taste satisfaction

It's not a matter of direction

قمر مجروح

قمر مجروح بينزف ضي....وحتى فحزنه ماله زي
هايفضل برضه في العالي ...يدندنلي فموالي
عيونه بتبكي احساس حي....قمر مجروح

إلى حبيبي :)

الحلم هايروح فين ف عيون مابتنامشي
والفكرة تعمل ايه..ف عقول وغموها..علشان ماتفهامشي
ياشمس طفوكي..وادونا لمبة جاز
ليه الرخيص غالي...والغالي لا منعاز
ياعيون ومفتوحة...لكن مابتشوفشي

احنا معاك لكن ..بنحارب الطواحين
يادونكي شوت الكون لسانا بنعافر..جوانا بني آدمين
ياصاحب الفكرة نورها كما الشمعة
لا تنطفي مهما حاربوا الحياة والضي
روح قولهم انا حي
ياناس ولا شايفة..ياناس ولا سامعة
أنا ضحكة موجوعة...أنا فرحة الدمعة
ياناس ف سكتهم
جاريين بهمتهم
ولا عمرهم سألوا...سكتنا رايحة لفين؟
لسانا بنعافر...
لسانا بنسافر...
لسانا بني آدمين

يا شجرة ياولادك بيتساقطوا

ومال ورق الشجر برضه

بيترنح على أرضه

وداير يجري في الملكوت

ماعدله بيوت

 يدقدق عالبيبان ويفوت

مالوش شجرة تصون عرضه

ياشجرة ياولادك بيتساقطوا

لا تتركيهم للنعال والبوم

الريح بتبعدهم ويتلخبطوا

تايهين فدايرة من الجراح واللوم

انا سيبت نفسي للهوا يشيلني

يا شجرة يا حالها بيقتلني

شدوني ليه وانا لسة عود أخضر

ولا حتى في مطرة تغسِلني ......

 يا شجرة يا ولادك بيتساقطوا

اة يا شوارع

اة ياشوارع دمي فيها لسة  مش قادر يجف

اة يا جروح رافضة تطاطي او تخف

لو كان زمان فيه إيد بتضرب

دلوقتي فيه ميت الف كف

لا تحزني ...انا بعشقك

وبرغم جرحي مصدقك

لسة بموت برضه ف ترابك اللي عايش فيه بسف

يا باسلة .... يا ام العيون القاتلة

نفسي اسئلك               

ليه ماعدش فيكي حد لسة عنده دم .....بيتكسف

العمر اتوبيس

لما تكون راكب أتوبيس...
لما تكون في طريق مقفول...
لما الزحمة بتاكل وقتك...
وانت بتاكل لقمة فول
لما تبص من الشباك
تلقى وشوش تانية محاوطاك

ناس زيك بتبص عليك

لكن عينهم مش شايفاك

يابشر مطحونة فطواحين

لابسين توب البني آدمين

ولا مننا عارفين السكة...ولا حتى رايحين على فين

"وسع حبة"

"شوفلنا فكة"

"يالا الأجرة"

"على جنب يا سواق الغبرة"

وناس شايفين...سامعين...ساكتين

يا سواق اتوبيسنا وبس

واخد عمري وواخد يومي

ودايما ماشي طريق بالعكس

ولما فيوم حبيت اتألم 

واما فيوم قررت اتكلم  

ظهرت يافطة بلون فسفوري

"لو مش عاجبك خدلك تاكس"

أرض ثابتة

دوري بيا يا أرض ثابتة

حركيني

نفسي أخرج من كياني لأي حتة

خطوة أتقل من همومي... خطوة تِبتة

سايبة عمري... يجري عاوز يفترسني ...

وهي ساكتة

أفتح الباب ألقى يومي يبتدي مديني ضهره

أبتسمله

يزيد ف قهره

أسيبه تاني

أجري وافتحله درعاتي

يزقني ...أرجع مكاني

يزيد ف شره

مين يقله

كفاية ضرب

البعيد دة مالهش قلب

عمري يا رمانة حَب

لو فيوم بعترته منى

هلف انادي فكل درب

حد عاوز يشتريني

 اسمي واحد

جوا واحد...جوا واحد...

جوا شعب 

أجنداتي...أجنداتي ..وإيه يعني؟
كلامكوا ماعدش يوجعني
ولا صتكوا هيخدعني
ولا يمكن يرجعني ...
عن اللي فاديته بحياتي
أجنداتي ..أجنداتي

أجنداتي ..على أصوله
وقولي عني ماتقولوا
ومين قال إني هتأثر بصوت عواجيزي وفلوله
ومين قال اني هاستنى شقايا يروح ومفعوله
دانا بديته على ذاتي
أجنداتي...أجنداتي

أجنداتي...ومش نادم
عشان دلوقتي انا فاهم
ومش واهم

بإني حقيقي أستاهل أعيش فبلادي بني آدم
أنا اللآتي
وقولوا عني ماتقولوا
أجنداتي ... أجنداتي

الى جلال عامر هفتقدك يامن لم القاه يوما

وسألت نفسي كتير يا عامر قلبك وقف عن دقة ليه

يا ما طبول دقت علينا ولسة فيه

مين اللي قالك حب بلدك بالقوي

من اللي قالك تنقهر لما يجيك حكم القوي

موتني مالضحك ليه.... لما انت مش قادر عليه

يابو ضحك قاتل سودوي

ضحكتني على حالي ليه....

وخطفت واياك ضحكتي ولاعدش فاضل الا حالي

وقلم حزين

مستني تاني قبضتك ...رافض يطاطي او يوالي

وسألت نفسي من جديد

طب ليه البعيد ابن البعيد قلبه حديد

ليه يا بشر كل ابن كلب.... مخلوق وقلبه قاسي صلب؟

وعرفت ان جواب سؤالي ماكنش صعب

مين اللي قال كل البشر زيك ياعامر عندهم في الاصل قلب؟؟؟؟

http://al-mashhad.com/News/%D9%82%D8%B5%D9%8A%D8%AF%D8%A9-%D8%B1%D8%AB%D8%A7%D8%A1-%D9%81%D9%8A-%D8%A7%D9%84%D8%B6%D8%A7%D8%AD%D9%83-%D8%A7%D9%84%D8%A8%D8%A7%D9%83%D9%89-%D8%AC%D9%84%D8%A7%D9%84-%D8%B9%D8%A7%D9%85%D8%B1/56414.aspx

نهى بهمن

أبو ضحك قاتل

وسألت نفسي كتير يا عامر ...قلبك وقف عن دقه ليه؟
ياما طبول دقت علينا ولسة فيه
مين اللي قالك حب بلدك بالقوي؟؟
مين اللي قالك تنقهر لما يجيك حكم القوي؟؟
موتني م الضحك ليه؟ لما انت مش قادر عليه...
يا أبو ضحك قاتل سودوي
ضحكتني على حالي ليه؟
وأخدت واياك ضحكتي ولا عادش فاضل إلا حالي
وقلم حزين...مستني تاني قبضتك
رافض يطاطي أو يوالي
وسألت نفسي من جديد
طب ليه البعيد ابن البعيد قلبه حديد ؟؟
ليه يابشر كل ابن كلب ...مولود وقلبه قاسي صلب؟؟
وعرفت إن جواب سؤالي ماكنش صعب
مين اللي قال كل البشر زيك ياعامر عندهم في الأصل قلب؟؟؟؟؟!

حسي أنا موجود

PublicFriendsFriends except AcquaintancesOnly MeCustomClose Friendscollege friendsSee all lists...Ein Shamsfreelance translatorCustomer care‏المصرية للاتصالات‏el alsun fakultaetFamilyAcquaintancesGo Back

أنا مش عدد ف ليمون... ولا اسم ف بطاقة  

أنا روح وطعم ولون... وولد بيتشاقى

مليان حياه وجنون... يا دنيا سراقة

أنا وش في الزحمة ..بيتوه ويتلاقى

حسي دانا موجود

وكتبت اسمي كتير ...

على حيطة وكراسي مظلومة في الاتوبيس

باعمل ساعات ناسي ....

وبعمل سعات طيب ...و سعات بكون إبليس

وف دوشة الزحمة...صوتي غنا الأحاسيس

أنا دندنة عالعود ....

حسي دانا موجود

ماعرفش أعيش خايف....

 متداري من صورتي ف وشوش تخبيني

وبغني في المطرة ...وبسيبها تغسلني وتكتب على جبيني

ولا عيشت جنب الحيط ولا عمري قلتلها ياحيطة داريني

إنـــــساني لا محدود ...

لا عدد ولا معدود...

يا دنيا حسيني أيوة أنا موجود

 نهى بهمن

 

خطوة

خطوة....

العمر كام خطوة....

الحلم كام خطوة...

أوطانا كام خطوة ...لازم نخطيها

خطوة....

ممكن تضيع منا

قادرة ترجعنا.... قادرة تقدمنا.. لو بس نلاقيها

وازايي نعيش يا ناس... لو كل واحد داس

على قلب كان منه...... وقال فيها لاخفيها

وازاي نكون عايشين... وعنينا مش شايفين

سكة وقدامنا متلخبطين فيها

يا سكة جوانا

خطوتنا  سابقانا

ماشيين بنتخبط وتعبتي وايانا

وازاي تحسينا

وتحسي أوجعنا ....

لو كل شيء فينا بقى فاقد المعنى

روحنا بتخدعنا ومسلمين ليها

باجري كتير عارف

مالعمر مستعجل

يا خطوة سامحيني لو فيكي باتكعبل

فيا غروب وشروق

مستني ايد تتمد وتشدني على فوق

لو كل واحد هد في التاني مش هانفوق

هاتضيع معانيها

دنيا البراويز

عايش ف برواز على قدي
يابلد ورميانا ف براويز
برواز دهب...برواز فضي...برواز خشب ..وليه التمييز؟؟؟
الكل ماشي ف بروازه
عمال يلمع ف إزازه
واللي معاه عاوز تاني
طب والمفلس مين عازه
حطوه ف صوره على قده مليانه بفنون التبويز

يابلد وصورتك مقلوبة وبرغم حزنك مبتسمة
والعيب دة عمره ماكان فيكي ...
العيب ف رسام الرسمة
لو كان عرف مرة يحبك....
ماكنتش هتبوظ القسمة
ولاكنش يرسم سجانك... واقف لنا بين الدهايز