أنا بحلم
أنا عايش ...أنا بحلم....أنا إنسان.
وما ارضى أعيش بلون غيري....
ولا ارضالي بلون بهتان....
مانا الفرشا... وانا الصفحة... وانا الألوان
وبرسم لوني نيل أسمر...
سماري أول العنوان....
أنا شايف ومش خايف
عشان صوتي ف كل مكان
يعرف اللي مش عارف ....
دفا الزحمة في حضن ميدان...
دفا اللمة فليل بردان .....
دفا حرية الأوطان...
مانا الانسان
أنا الماضي...أنا الحاضر
أنا الطايش....وانا الصابر
أنا اللي جوارحي بتعافر عشان تخرج من الجدران
أنا عايش...أنا موجود
وعمر ما كان لحلمي حدود
وليه أرضى بأي قيود
تنسيني إن انا إنسان....
ليست هناك تعليقات:
إرسال تعليق