أنا الشارع
أنا الشارع....
أنا الصافي....وأنا الدافي
انا اللي بشيل على اكتافي
وعمري ما قلت ايه المانع
أنا الشارع...
أنا الحواديت....
أنا اللمة ...أنا الزحمة
أنا حبة عيال عفاريت ....
أنا حيطان البيوت اللي اتملت شخابيط
أنا الفرحة وناس سارحة
وواخدة مني عنوانها...
فتلقاني
ولو سكة سفر هلت
تتوه مني وتنساني ....
ولما تحن توصلي بلا تخطيط
أنا الصدفة اللي يوم جمعت قلوب مليانة باللهفة
ونايمة فحضني تتدفى قصاد البيت
أنا حالة....
وياما شلت رحالة
وقلبي مهما يوجعني مابهربشي
ومهما تدوسوا فوق مني مابتعبشي
أنا رغي البنات فتافيت
أنا قوالة...
أنا الشارع
أنا حواديت .......أنا رسالة
ليست هناك تعليقات:
إرسال تعليق