صدفة
أنا اللي أخدت مالدنيا نصيبي.... وكان يدوب فتافيت....
بدرت عليها أحلامي عشان تطرح قصاد البيت
ومين قال إني هاستنى فانوس سحري أقوله ياريت
وليه مابقاش أنا الجني....وليه مابقاش أنا العفريت؟
مانا اتعودت أعيش الدنيا دي بلهفة..
سعات أحسبها ألف حساب....سعات أرميها للصدفة
كتير أفتحلها الأبواب...والاقي عيوني مش خايفة
تشوف أكتر من المكتوووووب
ولكن يبقى بس إزاي وعمري يادووووب....
جُمل خاطفة
انا عارف تعبتي يا دنيتي معايا
مانا أصلي بموت فيكي ومتعلق بقشاية
وبتلكك عشان أسرقلي ضحكاية
وبسأل لسة قدامي
يادنيا ولا جوايا
كفاية هروووب
أنا واقف ومستني وعارف إن كلي عيوب
وعايزك تيجي وايايا
ليست هناك تعليقات:
إرسال تعليق