العمر على قهوة
أنا قاعد ومستني وبحلم بيك يا بكرة الجاي
وصحبة وحدتي هي قلم فاضي وواحد شاي
يا واحد شاي مايخلصشي...
قلم فاضي ما يكتبشي...
أنا قاعد ومستني ما بتعبشي...ومش هسأل هتيجي إزاي
ياعمري ليه بتتسرسب وتهرب مني على سهوة
دانا لسه يادوب هقرا نصيبي ف حبة القهوة
ولا مني لحقت أشرب ولا مني لحقت أهوى
يا محبوبي يا صوت الناي
أنا عمري حتت سكر ودايبة جوة واحد شاي
يا عمري ليه بتتبخر وطاير فوق كما الدخان
بتجري ليه ما تتأخر وطول أكتر من الإمكان
د انا لسة هشوف سكة سفر جايه مع الفنجان
يافنجاني...
انا طالب هنا قهوة بوش بريء وإنساني...
بقالي زمان
ليست هناك تعليقات:
إرسال تعليق