حضرة ميدان روكسي
لازم حبيبتي تعذري.....
لو يوم أصروا انهم ياخدوا الطريق عكسي
أو انهم جم قرروا عن جهلهم إن انتي تتوكسي....
خايفين عليكي من النهاية المؤلمة...
ومصدقين إنك بدون حامي الحمى لازم هتتنكسي
والذنب لا مش ذنبهم ...
دا الذنب ذنب اللي اغتنى....واللي بنى
حضرة ميدان روكسي
لازم حبيبتي تعذري لما الخبل يوصل معانا لمنتهاه
واما نلخص كل ما فيكي فبشر ونلبسه ثوب الإله
فرعون أنا من فرعنك
وأنا اللي حالي سلطنك
وأنا اللي خليتك ملك بين الطغاه
ما انا اصلي عشت العمر ساكت واكتفيت
واما نطقت كفرت علشان اتماديت
ووقفت اهتفلك بمجدك والحياة.
ليست هناك تعليقات:
إرسال تعليق