جنب الحيط
قالوا لى لاجل يوم ما تعيش
ضرورى تمشى جنب الحيط
ولا تبقى بطل مشهور ولا ليك سيط
تعيش غلبان ... تعيش مغلوب
فى عالم ماشى بالمقلوب
وأنا قلت الحيطان دى سجن
أعيش إزاي بأحلامي ف وسط الطوب
قدر مكتوب .. نفس محسوب
وأنا مش هارضى اعيش مغلوب
ده حلمى بيعشق التنطيط
أنا مش هامشى جنب الحيط
هاكسّر كل سد وقيد وهافتح كل باب مقفول
مش هاقفل بابى لما الريح تجينى
هاواجه المجهول
هاطير والدنيا هى العيش
وهارمى فى كل حته القش
هتبقى الدنيا دى وطنى
كبير وطنى... كبير قلبى
ما يعرف كلمة المعقول ولا يوم كش
أنا مش هامشى جنب الحيط
دى كلمة إللى قالها عبيط
ده لو يوم خنت أحلامى
هيرضى ضميرى أيها وش؟
ليست هناك تعليقات:
إرسال تعليق